Sizda ham shunday: Balki endi o‘qirsan…

---

Sizda ham shunday: Balki endi o‘qirsan…

1.Iqro – Musulmonlarga tushurilgan birinchi oyat.

2.Hayotimda nechta dono odam ko‘rgan bo‘lsam, ularda bitta umumiylik bor edi – ular juda ko‘p o‘qishadi (Milliarder Charlie Munger).

3.Barcha muvaffaqiyatimning boshlanish nuqtasi ko‘p kitob o‘qish bo‘lgan (Investor Naval Ravikant).

4.Yoshlarga tavsiyam: Ko‘p kitob o‘qing. Turli mavzularda. Nima qiziqtirsa barchasini o‘qiyvering. Iloji bo‘lsa ensiklopediyalardan boshlang (Elon Mask).

Ko‘p kitob o‘qish hayotingni qanchalar o‘zgartirib yuborishini bilganingda, bo‘sh paytingni hammasida o‘qiyotgan bo‘larding. O‘qimasdan ham yaxshigina yurganlar bor-ku! Ha bor. Yuztadan bitta. Senga bu foiz yetarlimi? Menga – yo‘q.

O‘qish shartmi? Video ko‘rsa bo‘lmaydimi? Bilim hammasi internetda-ku. Eh, soddaginam. Qani gap faqat bilimda bo‘lsa. Ko‘p kitob o‘qish uchun: intizom, maqsad, sabr va diqqatni yig‘a bilish qobiliyatlari kerak. Eng qizig‘i: sog‘lom tana, baxtli oila, katta biznes, aqlli do‘stlarga erishish uchun ham xuddi shu qobiliyatlar kerak. Demak, ko‘p kitob o‘qigan odam, kitoblardan hech nima o‘rganmasa ham, yutaveradi.