KUTUBXONACHILAR — MAʼNAVIYAT XAZINADORLARI

---

KUTUBXONACHILAR — MAʼNAVIYAT XAZINADORLARI

Zafarobod tumani 1-sonli umumtaʼlim maktabida “Kutubxonachilar kuni” munosabati bilan maʼnaviy-maʼrifiy tadbir tashkil etildi. Tadbirda maktab maʼmuriyati, ustoz-oʻqituvchilar, kutubxonachilar hamda oʻquvchi-yoshlar faol ishtirok etdi.

Tadbir davomida kitobning inson hayotidagi oʻrni, mutolaaning yoshlar tafakkurini rivojlantirishdagi ahamiyati hamda kutubxonachilik kasbining jamiyatdagi nufuzi haqida atroflicha fikr yuritildi. Soʻzga chiqqanlar kutubxonachilarni yosh avlodni bilimli, maʼnaviyatli va kitobsevar etib tarbiyalashdagi xizmatlari bilan eʼtirof etdilar.

Shuningdek, tadbir davomida oʻquvchilar tomonidan sahna koʻrinishlari, sheʼrlar va kitobxonlikka bagʻishlangan badiiy chiqishlar namoyish etildi.

Tadbir yakunida faol kutubxonachilar va kitobxon oʻquvchilarga tashakkurnoma hamda esdalik sovgʻalari topshirildi.