Buyuk Britaniyada kitobxonlik inqirozi

---

Buyuk Britaniyada kitobxonlik inqirozi

Buyuk Britaniyada so‘nggi yillarda o‘qish odati keskin kamaymoqda. Tadqiqotlarga ko‘ra, aholining 40 foizi bir yil ichida birorta ham kitob o‘qimagan yoki tinglamagan.

Yoshlar orasida bu raqam yanada past – 8-18 yoshli bolalarning atigi 32 foizi o‘qishdan zavq oladi.

Mutaxassislar bu holatni “jim inqiroz” deb atashmoqda. Sabablar oddiy: qisqa videolar, telefonlar, virtual dunyo, diqqatning susayishi. Ammo oqibat – katta: fikrlash sayozlashadi, sabr kamayadi, hissiyotlar sathi pasayadi.

Bugungi kunda ekranlar sahifalarni yutib yubormoqda. Ammo hech bir ekran kitob sahifasidagi iliq hidi, jimlikdagi fikr oqimi, o‘zing bilan o‘zing qolish tuyg‘usini bera olmaydi. Shu bois Britaniyada o‘qish madaniyatini qayta jonlantirish tashabbuslari boshlangan – maktablarda “reading hour”, ish joylarida “silent read” daqiqalari yo‘lga qo‘yilmoqda.