Bugun 26-aprel - Botir Zokirov tug‘ilgan kun

---

Bugun 26-aprel - Botir Zokirov tug‘ilgan kun.

🔹 Oʻzbekiston xalq artisti Botir Zokirov 1936-yil 26-aprelda tavallud topgan. 

🔹 Uning ijrosidagi qoʻshiqlar xalqning qalbidan chuqur joy olgan, qachon yangramasin kishiga oʻzgacha xush kayfiyat bagʻishlaydi. 

🔹 Botir Zokirov 1956-yil “Yoshlik” yoshlar ansamblini tashkil etib, katta shuhrat qozongan edi.

🔹 U kuylagan opera ariyalari, oʻzbek xalq qoʻshiqlari, xorij shlyagerlari oʻz davrida dunyo boʻylab tarqaldi. 

🔹 Xonandaning repertuaridan milliy qoʻshiqlar bilan bir qatorda italyan, fransuz, ispan, rus, yunon tilidagi qoʻshiqlar ham joy olgan. 

🔹 Oʻzbek estrada sanʼatining rivoji Botir Zokirov ijodi bilan bogʻliqligini taʼkidlash oʻrinli. 

🔹 Shuningdek, B.Zokirov tasviriy sanʼat, rejissura sanʼatlarida ham iqtidorli boʻlgan. 

🔹 Xonanda 1985-yil 23-yanvarda olamdan oʻtgan. 

🔹 Botir Zokirov mustaqillik yillarida “Buyuk xizmatlari uchun” ordeni bilan mukofotlangan.