Bugun 24 yanvar – Xalqaro ta'lim kuni

---

Bugun 24 yanvar – Xalqaro ta'lim kuni

Ta'lim inson huquqi, jamoat manfaati va jamoat vazifasidir.

BMTning Bosh Assambleyasi ta'limning tinchlik va taraqqiyot yo‘lidagi ahamiyatini e’tirof etgan holda 24-yanvarni “Xalqaro ta'lim kuni” deb e'lon qilgan.

Uning nishonlanishi nafaqat insoniyatning ilm-ma’rifatga tashnaligini e’tirof etish, balki dunyo davlatlari hukumatlari va jamiyatlari e’tiborini ta’lim sohasidagi mavjud muammolarga, shu jumladan, savodsizlikni bartaraf etish, turli mintaqalarda yaxlit ta’lim dasturlari ishlab chiqish va amalga oshirish kabi masalalarga qaratishni maqsad qilgan.

Bugungi kunda 258 million nafar bola va o‘smir hali ham maktabga bormaydilar; 617 million bolalar esa o‘qish va matematikaning elementar ko‘nikmalaridan bexabar.

To'rt millionga yaqin qochoq bolalar va yoshlar maktabdan tashqarida. 

Ular qashshoqlik, diskriminatsiya, qurolli mojarolar, favqulodda holatlar va iqlim o‘zgarishi oqibatlari tufayli azob chekmoqda.