Bugun 1-may - Iqbol Mirzo tug‘ilgan kun

---

Bugun 1-may - Iqbol Mirzo tug‘ilgan kun

Iqbol Mirzo, ya’ni Mirzaaliyev Iqboljon 1967-yil 1-mayda Bagdod tumani Qoʻshtegirmon qishlogʻida tug‘ilgan. 

Oʻzbekiston xalq shoiri (2005). 

Fargona pedagogika institutining oʻzbek tili va adabiyoti fakultetini tugatgan (1991). 

"Oʻzbekiston tabiati" (1991), "Vatan" gazetalarida boʻlim boshlig’i (1992), masʼul kotib (1993— 94), Oʻzteleradio - kompaniyada katta muharrir (1996), direktor oʻrinbosari (1997), "Assalom, Oʻzbekiston!" studiyasining bosh muharriri (1998-yildan).

Dastlabki sheʼriy toʻplami — "Yurakning shakli" (1993).

Keyinchalik "Koʻngil" (1993), "Seni sogʻinaman" (1994), "Meni eslaysanmi" (2000), "Tanlangan sheʼrlar" (2002), "Qoʻshiqlarim" (2004) kabi sheʼriy asarlari nashr etilgan. 

Sheʼrlari oʻziga xos nozik tuygʻular, milliy boʻyoqlar, oʻzbekona ohang va falsafa bilan yoʻgʻrilgan.

Koʻplab sheʼrlari taniqli xonandalar tomonilan kuylanadi. 

"Shuhrat" medali bilan mukofotlangan (1999).