So’z boshi. Said Ahmad - Saidahmad Husanxo‘jayev, o‘zbek adabiyotining atoqli adiblaridan biridir. Bo‘lajak yozuvchining bolaligi Toshkentda Elbek, G‘afur G‘ulom Oybek kabi yozuvchi va shoirlar davrasida o‘tgan va bu uning yozuvchi bo‘lib shakllanishida muhim ahamiyatga ega.Yosh Said Ahmad o‘zini turli sohalarda: rassomlik, artistlik, fotograflik, qurilish va hatto doktorlikda ham sinab ko‘radi. Biroq, adabiyotni tanlaydi. O‘tgan asrning 50-yillarida Said Ahmad qatag‘on davrining ikkinchi to‘lqini vaqtida “aksilsho‘roviy millatchilar guruhi a’zosi, zararli g‘oyalar targ‘ibotchisi” sifatida ayblanib 25-yilga qamaladi. Said Ahmad Qozog‘istonning Qaraganda viloyati Jezqozg‘on lagerida 4-yil qamoqda o‘tiradi. Stalinning o‘limidan so‘ng, “aybi yumshatiladi” va ozod qilinadi.